خبر:

د سعودي د استخباراتو پخواني رییس، ترکي فیصل په یوه مرکه کې چې د ۲۰۲۴م کال د ډسمبر په ۵مه یې په انګلیسي ژبه وکړه، وویل: «په راتلونکي کې ښايي د غزې د یتیمانو موخه دا وي چې د السنوار پشان کسانو باندې بدل شي او امریکایانو، د سعودي خلکو او په نړۍ کې پر نورو قربانیانو برید وکړي. تاسو د السنوار او نورو مجرمانو په وژلو د تاوتریخوالي دا څرخ نه ختموئ، ځکه چې نور کسان یې ځای نیسي.»

تبصره:

ترکي فیصل په دغې مرکه کې د قران کریم دغه ایت ته اشاره وکړه:

﴿مَن قَتَلَ نَفْساً بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعاً﴾ [مائده ۳۲]

ژباړه: «كه چا يو انسان بې له قصاص يا پر ځمكه له فساد خپرولو پرته وواژه؛ نو لكه چې ټول خلك يې وژلي وي.»

هغه ټینګار وکړ چې یهودي رژيم باید دا ایت په پام کې ونیسي؛ ځکه چې دا رژیم د نړۍ په کچه په رسمیت پېژندل شوی دولت دی. ده وویل چې «ترهګرې ډلې» د هغو کسانو شمېر ته نه ګوري چې وژني یې، بلکې یوازې پر خپلو موخو تمرکز کوي.

ترکي فیصل چې حق او باطل نه پېژني؛ حق، باطل او باطل، حق ګڼي؛ له یهودي رژیم سره د اړیکو عادي کولو غوښتونکی دی او مجاهدینو ته ترهګر وايي. هغه په ډاګه وايي چې د کافرانو په صف کې دی. دا ذلیل او حقیر انسان وېرېږي چې هسې نه یهودي او امریکايي وروڼو ته یې زیان ورسېږي؛ ځکه خو دا ورته سخته ده چې د غزې یتیمان د خپلو عزیزانو د وینې غچ واخلي او په داسې مجاهدینو بدل شي چې ځمکه ازادوي، د مسلمانانو د عفت او حیثیت دفاع کوي او د مسلمانانو وینه ساتي. پر تاسو دې لعنت وي اې د آل سعود حکامو!

د مسلمانو سیاسیونو او حکامو څرګندونې او دریځونه ښيي چې له دغو مصیبتونو او بدبختیو چې پر اسلامي امت یې سیوری غوړلی، بنسټیز بدلون ته اړتیا ده. دا بدلون باید د دغو مستبدانو د تختونو له راپرځولو پیل شي؛ دغو کسانو له الله سبحانه و تعالی، پیغمبر صلی الله علیه وسلم او هغو امانتونو سره خیانت کړی چې ورته سپارل شوي. دوی د مسلمانانو پر ځای کفار خپل وليان او ملګري نیسي، د اشغالګرو پولې ساتي او جنایتونو ته یې مشروعیت بښي. د دوی عملونه په دنیا او اخرت کې بابیځه دي او باید پوه شي چې هیڅ کوم سرپرست او ملګری نه لري. الله سبحانه و تعالی فرمايي:

﴿أَفَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ دَمَّرَ اللهُ عَلَيْهِمْ وَلِلْكَافِرِينَ أَمْثَالُهَا * ذَلِكَ بِأَنَّ اللهَ مَوْلَى الَّذِينَ آمَنُوا وَأَنَّ الْكَافِرِينَ لَا مَوْلَى لَهُمْ﴾ [محمد ۱۰، ۱۱]

ژباړه «نو ايا دوى په ځمكه کې ګرځېدلي نه دي، چې وګوري؛ تر دوى د وړاندې خلکو پاى څنګه وه، الله دوى وځپل او كافرانو ته همدغسې سزاګانې دي. دا ځكه چې الله د مؤمنانو پالندوى (او کار سازى) دى؛ خو د كافرانو پالندوى (او مرستندوى) نشته.»

لیکوال: درة البکوش